ÁSTARBRÉF TIL SIGVALDA
19. MAÍ 2021 - 10. JÚN 2021
LOJI HÖSKULDSSON
Sýning í tengslum við útgáfu á bók helgaðri verkum arkitektsins Sigvalda Thordarson. Loji Höskuldsson, myndlistarmaður, stendur á bak við sýninguna en hann hefur safnað og skráð verk eftir Sigvalda Thordarson arkitekt síðan 2015. Hönnuðurnir Bobby Breiðholt og Helga Dögg Ólafsdóttur sáu um hönnun og uppsetningu bókarinnar, en Kjartan Hreinsson, ljósmyndari, sá um val á öllum ljósmyndum sem birtast í bókinni. Auk bókarinnar er til sýnis módel af húsi eftir Sigvalda Thordarson sem fékk aldrei að rísa, sem Gunnhildur Melsteð, arkitekt, byggði fyrir sýninguna og verk eftir Loja sem er innblásið af Sigvalda sjálfum.
„Ég hef verið að safna og skrá verk eftir Sigvalda Thordarson arkitekt síðan 2015. Nú er komið að því að safna því helsta og setja það í bók. Hönnuðurnir Bobby Breiðholt og Helga Dögg Ólafsdóttir munu sjá um uppsetningu bókarinnar. Kjartan Hreinsson ljósmyndari velur allar ljósmyndirnar í bókinni.
Starfsævi Sigvalda spannaði 23 ár en á þessum stutta ferli eru til hús eftir hann á víð og dreif um landið. Sum húsin eru þekkt en svo eru önnur minna þekkt. Sum voru teiknuð fyrir áhrifamenn í samfélaginu og önnur ekki. Bókin mun gera þessum húsum skil, í henni verða hans helstu stílbrigði og reynt verður að mynda góða heildarsýn á ævistarfi Sigvalda Thordarsonar. Það er ótrúlegt að hann hafi verið svona framsýnn og viðurkenndur, hann fæddist á Ljósalandi í Vopnafirði árið 1911 fer síðan til Danmerkur í nám við arkitektúr, þarf svo að flýja heim út af Seinni-heimsstyrjöldinni. Fer svo aftur til Danmerkur til að klára námið, kemur að lokum heim og þá er skollið á Kalda stríðið. Sigvaldi var mjög pólitískur en eftir Sigvalda liggja sára fá opinber verkefni . Vinstri sinnaðir arkitektar áttu erfitt til uppdráttar hér á landi á þessum árum. Þó í þessum mótbyr öðlaðist hann gífurlega viðurkenningu og virðingu meðal starfs bræðra sinna og fólksins í landinu, það þótti virðingarvert að búa í Sigvaldahúsi. Hann var boðberi módernisma í íslenskri húsagerðarlist og hafði Sigvaldi gífurleg áhrif á sína samtíðarmenn og ekki er hægt að neyta áhrifunum hans í nýju íbúðar húsunum sem hafa verið a að spretta upp undanfarið. Búið er að gera ótal bækur um merka íslenska arkitekta en ég hef ekki rekist á neina bók um Sigvalda. Það eru aðallega lof og virðing sem ég hef rekist á í leit minni af frekari upplýsingum um arkitektinn. Hvergi er hægt að finna heimild um verkin hans en það er það sem þessi bók á að vera. Ég hef verið að ferðast um landið, skráð og myndað hús eftir Sigvalda og aflað mér allskyns fróðleik um verkin hans. Allt þetta verður sett upp á einfaldan og skýran hátt til að ná til sem flestra, bæði fólks innan sem og utan fagsins. Þessi bók verður mikilvægur hlekkur í safnið um íslenska byggingarsögu.
I gegnum instagram reikninginn minn varð mér ljóst að gríðarlegur áhugi er á verkum Sigvalda. Ég hef oftar en ekki verið stoppaður út á götu þar sem fólk tilkynnir mér að það búi í Sigvaldahúsi eða afi sinn og amma hafi byggt húsið og búi ennþá daginn í dag í því. Um daginn var ég í röðinni á Hlöllabátum seint um kvöld og þar snéru tveir menn sér við. Þeir spurðu mig hvort að ég væri ekki Sigvalda-gaurinn. Ég svaraði því játandi. Það næsta sem gerðist var að þeir fóru að tala um húsin sem þeir bjuggu í við mig, eftir hvern þau voru, hvenær þau voru byggð og svo framvegis. Svo eftir það tilkynnti annar þeirra að tengdapabbi sinn ætti Sigvaldahús, Sturlu-Reyki sem er bóndabær í Reykholtsdal og ég væri ávallt velkominn í heimsókn því öll fjölskyldan væri að fylgjast með instagram reikningnum mínum. Á þessari stundu komst ég að því að Sigvaldahús er ekki bara eign sem þú býrð í, heldur líka listaverk sem þú átt.“
- Loji Höskuldsson, myndlistarmaður.
